Souriali -

هربان من الحرب من تحت الموت والدمار. خضت رحلة اللجوء بكل مخاطرها. استقبلوك بمركز لجوء وشعرت أنك محبوس والدنيا ضاقت فيك. عندك مشاكل زوجية. بتشوف كوابيس. مو قادر تشوف او تثق بحدا. عندك قلق من كل شي. مو قادر تاخد قرار بحياتك. مواجهتك صعوبات ما عم تقدر تاخد فيها قرار... ضيفنا اليوم بيخبرنا عن منظمة IPSO في ألمانيا بتساعدك باللغة العربية مع مستشارين وأخصائيين مدربين للحفاظ على سرية معلوماتك وليساعدوك تكون حياتك وصحتك النفسية جيدة وتشعر بالرضى عن نفسك.

مع تغيير واقع السوريين، من اللجوء، للتطور التكنلوجي، صار في تغيير كبير بالنمائم يلي منمّها وشكل الأخبار، عزة وهمام عم يناقشوا الموضوع ويشوفوا كيف تغيّرت القصص.. خلونا نسمع هي الحلقة وشاركونا آراءكم

ضيف حلقة اليوم الصحفي والناشط حازم داكل يلي رح يحكي معنا عن أخطار الإشاعات والأخبار الكاذبة بالإعلام، وتحليل عن وضع الإعلام بالمعارضة السورية اليوم ...

عم تسبب الأخبار الكاذبة والنمائم كتير من المشاكل على الإنترنت فشو هيه هي المخاطر؟؟ إياد رح يجاوب على السؤال ب شروي غروي

النميمة أحياناً كتيرة بتكون شكل من أشكال التنمر، وإلها آثار كتيرة، وأكيد بتترك آثار صحية، كريستين رح تخبرنا شو هيه هي الآثار الصحية؟

عن النميمة، ومعنى الكلمة، وهل النميمة مرتبطة بس بالرجال؟ تعو نشوف ع شو رح تنم رئيفة ؟؟

عن تغيير المهن، وشو المكتسبات من هاد التغيير، ورحلته الشخصية بالبحث عن مهنة جديدة، كان لقاءنا مع الدكتور بشار فرحات، وحديثه الممتع، اسمعوا هاد اللقاء من شو قولك.

نتيجة الأتمتة والروبوتات، في كتير من المهن يلي رح تختفي خلال عقد ونص من الزمن، شو هيه هي المهن، رح نتعرف عليها أكتر مع عمرو بهي الفقرة من شروي غروي.

كيف ممكن يأثر تغيير المهن على الاقتصاد، وليش ضروري يصير في تحضير من الحكومات لهاد الشي، كارولين دورت عن هي المعلومات ورجعتلنا بهي الفقرة الجديدة من ليرة ورا ليرة

هل في مهن تصلح للهجرة واللجوء أكتر من غيرها من المهن ياترى ؟؟ اسمعوا هي المنقوشة لتعرفوا أكتر.

خلال السنين الماضية كتير من السوريين اضطروا يغيروا المهن يلي بيشتغلوا فيها، يمكن كان هاد الشي كان صعب لكتيرين، بس لمواكبة العصر كان شغلة مهمة، أما ليش كان ضروري، فرح تعرفوا السبب مع عزة وهمام بهي الحلقة من برنامج من سيرة لسيرة

بلحظة ممكن الانسان يخسر كلشي، والسبب ببساطة هو ثقتو بوعود ناس مابتصزن الوعود!!!! يلي صار مع ميساء يمكن اكبر من هيك، هي انغدرت من ناس المفروض انهون يحموها ويحافظوا على حقوقها.. بس كيف؟ سمعوا حلقة اليوم من حكاية ماانحكت لتعرفوا الحكاية

عن الحدود واللجوء والتغيرات اللي عم تواجه اللاجئين السوريين، قديش قادر الفن والأدب يكسر الحدود ؟ مع ضيفة من أهل البيت الزميلة رئيفة المصري

كيف بتداخل الرياضة مع الحدود؟؟ وكيف ممكن تلغي الرياضة الحدود بين البشر؟! جواب هالسؤال مع عمرو بـ سورياضي

كيف رح تقنع كارولين دول العالم أنه يفتحوا الحدود بوجه اللاجئين؟؟

رح تحكي كريستين بهي الفقرة عن علاقة الصحة مع اللاجئين والمهاجرين وشو أثرها على بعض الدول.

الحدود صارت كتير حاضرة بحياتننا اليومية، داخل وخارج سوريا، ورغم أنه الحدود شي مو حقيقي بس أثرها كتير كبير على حياتنا .. فشو رح يحكوا عزة وهمام عن الحدود بهي الحلقة بـ"من سيرة لسيرة" خلونا نسمع

بيحكي اياد بهي الفقرة عن السياسة يلي اتبعتها إسرائيل لتكون من أكتر الدول الجاذبة للشركات المتعددة الجنسيات بالتكنلوجيا، والدور السياسي يلي عم يلعبه هاد التطور

عن تاريخ الرياضة في فلسطين، لسنوات طويلة، وعن العنصرية تجاه اللاعبين العرب، ومحاولات فلسطين الدخول بالاتحادات الدولية، حديث رياضي طويل مع عمرو واستكمال لمحاولة فصل الرياضة عن السياسة :)

أسئلة عن تغيير وضع فلسطين اليوم، وصفقة القرن، صورة فلسطين، انعكاس صفقة القرن على الوضع بسوريا، وأسئلة كتير غيرها بيجاوب عليها الكاتب د.عماد بوظو ضيف هي الحلقة بشو قولك.