Souriali -

معقول يكون في شبه بين الشي يلي عم نعيشه اليوم وأفلام كرتون ؟ شو هو يا ترى؟ اسمعو هي الحلقة من المنقوشة مع رئيفة لنكتشف!

بحلقة اليوم ضيف الحلقة الكاتب حسان محمد محمود الكاتب والباحث السوري، لضيفنا آراء كتيرة بهاد الموضوع ما بيبخل فيها لا من خلال مقالاته العديدة أو من خلال صفحته على الفيسبوك، خلونا نسمع لقاء اليوم من شو قولك

لطالما كان في حوارات بين الدين والعلم عبر التاريخ، اليوم عم نشهد نوع جديد من هي الحوارات، بالميديا الجديدة ووسائل التواصل الاجتماعي، آخر هي الجولات كانت بين الدحيح و إياد قنيبي، خلونا نسمع شو رأي عزة وهمام بهي الحوارات.

دائماً كان للعلم والدين والسلطة لاعبين بحياتنا، والسلطات السياسية والاقتصادية كانت تلعب على الحبلين لتحقق مصالجها، بشروي غروي اليوم حكينا شوية قصص عن الموضوع. اسمعوا هي الفقرة لتعرفوا شوي من هالقصص

كتير من الدراسات والبحوث طلعت عن عقل الإنسان المتدين والإنسان العلمي، واختلفت الدارسات والبحوث بكتير نواحي ، بس أكيد أنه لهاد الشي أثر على حياتنا وصحتنا، فمتل ما بيقولو آمن بالحجر بيشفيك، فهل يا ترى في صحة لهاد القول، أم أنه بس الأدوية هي يلي ممكن تساعد على الشفاء، خلونا نسمع هي الفقرة مع كريستين لنعرف أكتر

هل ستنجح الجالية السورية في ألمانيا في تجميع السوريين تحت مظلة واحدة؟ هل هي الأولى من نوعها للسوريين في ألمانيا؟ خبرونا رأيكم بعد ما تسمعوا الحلقة وتتعرفوا على الدكتور رواد الحلاق أحد مؤسسي الجالية السورية في ألمانيا اللي رح يجاوبك ع كل تساؤلاتكم .

نظرة السوريين للمجتمعات يلي لجأت إلها، ونظرة المجتمعات المضيفة لألنا، فيها بعض النمطية يلي عم تتغير مع مرور الوقت، في تبادل للمعرفة، وخلق جسور، وفرصة لكسر الحدود، عن هي المواضيع وأكتر تناقشوا عزة وهمام بهي الحلقة

ضيفنا هو الدكتور بسام عويل المختص بعلم النفس، ويلي رح نناقشه عن تغيير الصورة النمطية للاجئ، والصورة النمطية للغرب عند اللاجئ، والآثار، وعن امكانية كسر الحدود النفسية بين البشر قبل الحدود الجغرافية

عن علاقتنا مع وسائل التواصل الاجتماعي، وكيف ممكن تستخدم هي المواقع والتطبيقات بياناتنا لتتحكم بخياراتنا بالسياسة والاقتصاد.

بما أنه أفضل وسيلة لاندماج اللاجئين أو القادمين الجدد هو الحوار، أطلقت جمعيات ألمانية وسورية منتدى ثقافي للحوار، بيستعرض بسام داود تجربة هاد المنتدى بهي الفقرة من سوريين لبعض.

كيف ممكن تصوراتنا المسبقة عن الآخر تأثر على تفاعلنا مع محيطنا، بهي الفقرة من المنقوشة بتحكيلنا رئيفة عن مغامرة عاشتها باحدى المدن الألمانية، اسمعوا معنا شو رح تخبرنا

قصي ابن مدينة السويدا شب عندو حلم السفر برا البلد، يمكن بدايات هالحلم تشكلت من قصص قرايبينه واهلو يلي معظمهم سافر واشتغل بفنزويلا، منهم رجعوا متل ابوه، ومنهم بقيو لهلق هونيك، مشان هيك اول مااخد البكالوريا، قال لأهلو انو هو بدو يسافر ع فنزويلا.

عن الهوية والوطنية والقوميات و الجنسية والهوية القومية ، شو يعني أنك تكون بتحمل جنسية معينة بيومنا الحالي، أسئلة كتير عم تكتر مع كل شي عم نشوفه بحياتنا اليومية.. خاصة بعد قيام الثورة السورية..

كتير من المؤرخين والكتاب بيقولوا أنه القومية والوطنية كانت من أهم الدوافع للفعل السياسي بالقرن العشرين. فشو العلاقة ياترى العلاقة بين القومية والوطنية والحريات، وكيف بتأثر أنواع القوميات المختلفة ع المواقف السياسية؟

مي سكاف وحدة من القلائل من الأوساط الفنية يلي قدروا يطلعوا برا المصالح الشخصية، ويعلنوا موقف واضح وصريح وحقيقي مع الثورة السورية.

المكدوس هو من أكتر الأكلات قومية سورية، فينك تأسس حزب وتسميه حزب المكدوس او المكدوسيين...

عن ادلب والوضع فيها بالأشهر الأخيرة وشهادات لناس عايشين فيها .. عن الحياة تحت القصف، وحكايات ما قدرت الكاميرات ولا وسائل التواصل الاجتماعي إنها تنقلها..

عن التدخل الروسي بسوريا والقصف الهمجي الأخير على إدلب ومحيطها وأسئلة تانية رح يجاوب عليها ضيف حلقة شو قولك الكاتب والسياسي منصور أتاسي

تجمع الناجيات هو تنظيم جديد بإدلب عم يحاول نقل معاناة المعتقلات يلي كانوا داخل سجون الأسد، والتعريف بالسجينات يلي لساتهن بهي السجون والمطالبة بحريتهن. ولتمكن هي المرأة بالمجتمع، وتساندهن ليقدروا ينطلقوا من جديد...

ماعرفت علا شو بيقصد الدكتور وقت قلها انت معك : أم اس ، سألتو شو يعني دكتور؟ قام رفع راسو وبايدو صورة تخطيط الدماغ وقلها : يعني تصلب لويحي متعدد، فوراً بتاخدي الصور والتحاليل وبتروحي ع مشفى ابن النفيس خليهون يبلشوا يعطوكي الدوا، مافينا نتأخر ولا ونتهاون مع هالمرض.